گوادر: گوستگیں روچ ءَ تربت ءَ پاکستانی لشکر ءِ جوڑ کرتگیں کشندہ ٹولی ءِ کارمندانی تیرگواری ءَ شھید بوتگیں بلوچ آجوئی لوٹوکیں جھدکار مھمود ءِ لاش گلزمین مرچی سھب ءِ دہ ءَ گوادر ءَ شمبے اسماھیل مانشجاہ ءَ گلزمین ءِ میار کنگ بوتگ۔
شھید مھمود ءِ جنازہ ءِ نماز ءَ ھندی مردماں بازیں کچے ءَ بھر زرتگ ءُ شھید ستک شانی ندر کرتگ۔
شھید مھمود ءِ باروا گوشگ بیت کہ آ دشت ءِ جاہ منند اِنت ءُ آجوئی لوٹوکیں جھدکارے گوستگیں چنچو سال اِنت کہ سلاہ بند بوتگ ءُ آجوئی ءِ جنگ ءَ مڑگ ءَ بوتگ۔ بلے اے درگت ءَ چہ آجوئی لوٹوکیں سلاہ بندیں گلانی نیمگ ءَ انگت ءَ ھچ وڑین درشان شنگ نہ بوتگ۔
شھید مھمود مولا بکش ءِ کھول ءَ سک دیر اِنت کہ چہ دشت ءَ پاکستانی لشکر ءِ زوراکیانی سوب ءَ لڈ ءُ بار کرتگ ءُ گوادر ءَ شتگ اَنت۔
