چمن: گوستگیں روچ ءَ پاکستانی لشکر ءِ تیرگواری ءَ زھرشانی کنوکیں مردمانی ٹپی بوگ ءِ بگیری ءَ ھرتا کنگ بوتگ۔
بنشون ءَ رد ءَ چمن ءَ دمگدار ءِ کمپلیکس ءَ ھوار درسیں سرکاری کارگس بند کنگ بوتگگ اَنت۔ شال کراچی شھدک ءُ شھر ءِ بینک ھم بند کنگ بوتگ اَنت۔ چمن ءَ نندانک جاہ ءُ دمگدار ءِ کارگس ءِ دیم ءَ بازیں کچے ءَ مردم مچ بوتگ اَنت۔
چہ نندانک جاہ ءَ مردمے ءِ گوشگ اِنت کہ چہ چمن ءَ نندانک ءِ دزگیر بوتگیں سروک چل ءُ ھشت ادار ءِ گوزگ ءَ پد ھم آمیدگس ءَ پیش کنگ نہ بوتگ۔
آئی ءِ گوشگ اِنت کہ کمک دمگدار ءَ ھوار آدگہ دمگی سروگان سے روچ اِنت کارگساں ساڑی نہ اَنتءُ نہ چہ بلوچستان سرکار ءِ نیمگ ءَ کسے ءَ پہ گپ ءُ تران ءَ گامگیج زرتگ۔
