آواران: جاؤ ءَ زورگریں پاکستانی لشکر بازیں کچے ءَ آھگ ءُ مچ بوگ ءَ اِنت لشکرکشی ءِ گمان اِنت۔
اھوالکار ءِ رد ءَ پاکستانی لشکر ءِ کارمند دوشی جاؤ ءِ میتگ کوھڑو ءُ ڈولیجی ءَ بازیں کچے ءَ آتکگ اَنت۔ لشکر ءَ گاڑیانی ھواری ءَ ھر ھم گوں اِنت انچوش گمان کنگ بوگ ءَ اِنت کہ پاکستانی لشکر جاؤءِ جتائیں جاھاں لشکرکشی کنتءُ وتی زوراکیاں برجاہ دار ایت۔
بنشون ءِ رد ءَ دو روچ پیش پاکستانی لشکر ءَ جاؤ ءِ روکپتی دراجکور ءَ لشکرکشی کرتگ ءُ واتر بوتگ۔ نوندڑہ ءِ جتا جتائیں جاھاں گسانی پٹ ءُ پول کنگ ءِ ھواری ءَ گوں مردماں زوراکی کرتگ۔
یات بہ اِت کہ ڈولیجی ءُ کوھڑو ءَ ساری ءَ ھم پاکستانی لشکر ءِ بنجل بوتگ اَنت کہ ھمے سال ءِ جنوری ءَ وتی بنجل ءِ یل کرتگ اَنت ءُ تتکگ۔
چہ پاکستانی لشکر ءِ مچ بوگ ءَ ھندی مردم سکا ترس آماچ اَنت کہ پاکستانی لشکر زوراکی کنت۔
