ڈیرہ بگٹی: سوئی ءَ زورگریں پاکستانی لشکر ءَ بیڑ برتگ ءُ کماشیں مردمے آوار جتگ ءُ بیگواہ کرتگ۔
اھوالکار ءِ رد ءَزور بیگواہ کنگ بوتگیں مردم ءِ نام موج الی موندرانی بگٹی اِنت کہ دوشی زورگریں پاکستانی لشکر ءَ سوئی ءِ مھمد کالونی ءَ بیڑ برتگ ءُ آوار جتگ۔ زورگریں لشکر ءَ بیڑ برگ ءِ میان ءَ گسانی پٹ ءُ پول کنگ ءِ ھواری ءَ گوں مردماں زوراکی کرتگ۔
یات بہ بہ اِت کہ چہ ایشی پیش ھم بیست مئی ءَ پاکستانی لشکر ءَ آئی گس ءَ بیڑ برتگ ءُ موج الی ءِ دو زھگاں ھوار سے مردم آوار جتگ۔
موج الی موندرانی بگٹی ءِ زوریں بیگواھی ءِ گپ بی آر پی ءِ جارکش شیرمھمد بگٹی ءَ راست کرتگ ءُ ماں چاگردی رسانکدر ءِ تندجاہ ایکس ءَ آئی اکس شنگ کرتگ۔
