آواران: زورگریں پاکستانی لشکر ءِ جھلی ءُ برزی لشکرکشی برجاہ اِنت۔
اھوالکار ءِ رد ءَزی بیگاہ ءِ چار ءَ آواران ءَ دامگ ءُ نیٹورک بند کنگ بوتگ اَنت ءُ مرچی سھب ءِ ھشت ءَ نیٹورک آتکگ اَنت، مرچی سھب ءَ پاکستانی لشکر ءِ دو جنگی بالگرداں آواران ءِ گوریچان ءِ کوھاں داں دیر ءَ تر ءُ گرد کرتگ۔ جنگی بالگردانی ھواری ءَ چاریگی بالگرد ھم تر ءُ گرد کنگ ءَ گندگ بوتگ۔
مرچی سھب ءَ زورگریں پاکستانی لشکر ءِ کاروانے چہ آواران ءَ درکپتگ ءُ جاؤ ءِ نیمگ ءَ روگ ءَ گندگ بوتگ۔ کاروان ءَ کم چہ کم چِل ءَ گیش گاڑی بوتگ اَنت۔ گاڑیانی تہ ءَ بازیں بکتربند گاڑی ھم گوں بوتگ ۔
یات بہ بہ اِت کہ 16 مئی ءَ نونڈرہ ءَ پاکستا نی لشکر ءِ بنجل ءِ سر ءَ بلوچستان آجوئی سنگر ( بی ایل ایپ ) ءِ ٹوھیں ارش ءَ پد آواران ءِ جتائیں جاھاں زوگریں پاکستانی لشکر ءِ زوراکی برجاہ اِنت۔ دو روچ پیش پاکستانی لشکر ءُ ھندی کشندہ ٹولی دراجکور ءِ کوہ ءَ پترتگ اَنت ءُ لشکرکشی کرتگ ءُ زی نوندڑہ کولنج ءَ ھم پاکستانی لشکر ءَ لشکرکشی کرتگ ءُ دو مردم آوار جتگ۔
اے باروا ءَ مئے گیشیں جست ءُ پرس برجاہ اِنت۔
