کیچ: دشت ءِ جتائیں جاھاں زورگریں پاکستانی لشکر ءِ لشکر ءِ برجاہ اِنت، لشکر کشی ءِ میان ءَ دو مردم آوار جنگ بوتگ اَنت۔
اھوالکار ءِ رد ءَ زورگریں پاکستانی لشکر دشت ءِ جتائیں جاھاں شولیگ، زرین بگ، ملائی نگورم پرنٹ بازار ءُ کش ءُ گوراں لشکرکشی کنگ ءُ گساں بیڑ برگ ءُ گوں مردماں زوراکی کنگ ءَ اِنت۔ بیگواہ کنگ بوتگیں مردمانی نام ندیم ابداللہ ءُ مھسن ابداللہ اِنت کہ اے ھپتگے پیش آوار جنگ ءُ بیگواہ کنگ بوتگ اَنت، دو روچ بیت یل کنگ بوتگ انوں پد ءَ پاکستانی لشکر ءَ آوار جتگ ءُ بیگواہ کرتگ اَنت۔
