آواران: نوندڑہ ءَ زورگریں پاکستانی لشکر ءُ چیریں ادارھانی کارمنداں بیڑ برتگ ءُ دو مردم آوار جتگ۔
اھوالکار ءِ رد ءَ زور بیگواہ کنگ بوتگیں مردمانی نام سیٹ مھمد ھاشم ء لال مھمد ءُ کریم اِنت کہ نوندڑہ ءِ میتگ کولنج ءِ جاہ منند اَنت۔ زورگریں پاکستانی لشکر ءُ چیریں ادارھانی کارمنداں دوشی گس ءَ بیڑ برتگ ءُ آوار جتگ اَنت۔ لشکر ءَ بیڑ برگ ءِ میان ءَ گساں پٹ ءُ پول کنگ ءِ ھواری ءَ گوں مردماں زوراکی کرتگ۔
زور بیگواھیں مھمد ھاشم ءِ باروا گوشگ بیت کہ پاری جولائی ءَ پاکستانی لشکر ءَ انچوش لٹ داتگ کہ آئی ءِ جاور ناگیگ بوتگ اَنت پہ درمان کنگ ءَ نادراھجاہ ءَ برگ بوتگ۔
بنشون ءِ رد ءَ دو سے روچ بیت کہ زورگریں پاکستانی لشکر جاؤ ءِ میتگ کوٹو ءَ مردماں دارگ ءُ گوں آیاں زوراکی کنگ ءَ اِنت۔
