تربت: چہ بلیدہ ءَ پاکستانی لشکر ءِ دست ءَ زور بیگواہ کنگ بوتگیں مردمانی کھولانی زھرشانی نندانک ءَ کیچ دمگدار ءِ کارگس ءِ دیم ءَ چار روچ اِنت کہ برجاہ اِنت۔ اے وھد ءَ زور بیگواھیں مردمانی کھولاں ابید آدگہ سیاسی ءُ چاگردی کارکناں ھوار مردم بازی کچے ءَ نشتگ اِنت۔
مرچی پد ءَ ھوتمان ءِ سروکی ءَ پہ گپ ءُ تران ءَ ٹولی یے آتکگ، آیاں گوں بیگواھیں مردمیانی کھولاں لوٹ کرتگ ءُ گوشتگ کہ شما وتی زھرشانی نندانک ءَ ھلاس بہ کن اِت ءُ مارا وھد بدے اِت ما شما زور بیگواھیں زھگاں آجو کناھین ایں۔
کھولاں آیانی گپ رد کرتگ ءُ گوشتگ دانکہ مئے بیگواھیں زھگ آجو کنگ نہ بوتگ اَنت یا آمیدگس ءَ پیش کنگ نہ بوتگ اَنت ما وتی زھرشانی نندانک ءَ ھلاس نہ کن ایں۔ چہ واکدار ءِ نیمگ ءَ پیسر ءَ ھم چوشیں گپ جنگ بوتگ بلے مئے زھگ انگت بیگواہ اَنت۔
یات بہ بہ اِت کہ زی ھم پہ گپ ءُ تران ءَ ٹولی یے آتکگ اَت آیا نی گپ ھمیش بوتگ اَنت۔ زی بیگاہ ءَ کھولاں چہ شھید پدا اھمد چاراہ ءَ داں زھرشانی نندانک ءَ زھرشانی روانکے کش اِتگ۔
