زرمبش زیمر ءِ نیمگ ءَ شنگ بوتگیں جارے ءَ گوشگ بوتگ کہ لھتیں وھد اِنت زرمبش زیمرءِ چینل ھیک کنگ ءُ بند بوتگ۔ ما جھد ءَ بوتگ ایں کہ مئے چینل پچ کنگ بہ بیت ءُمارا بہ رس ایت بلے بژن ءِ گپ اِش اِنت کہ مئے چینل مارا دوبر نہ رس اتگ ءُ زرمبش زیمر ءِ سنگتاں ھمے سوڑگ کرتگ کہ ما نوکیں چینلے جوڑ کن ایں ءُ چونیں سوتےچہ زرمبش زیمر ءَ شنگ کرتگ آیاں پد ءَ ماں زرمبش زیمر ءِ نوکیں چینل ءَ شنگ کن ایں۔
آئی ءَ گوشتگ ما گوں شما دست بندی کن ایں کہ اے چینل ءَ سبسکرائب ءِ ھواری ءَ گیش ءَ چہ گیش وتی وٹس اپ گروپاں بگر داں پیس بک ءُ انسٹاگرام ءَ ھرجاہ شنگ بہ کن اِت دانکہ ماپد ءَ داں وتی ھما سسکرائبراں سر بہ بہ ایں۔
جار ءَ دیمتر ءَ گوشگ بوتگ کہ استاد منھاج مکتار ءُ آدگہ ورنائیں گشندھانی بازیں سوت پہ شنگ ءُ تالان بوھگءَ جاڑی اَنت۔انشاللہ ماائید ءَ استاد منھاج مکتار ءِ گزلءِ دیوان ( استاد ابدالستار بلوچ ءِ نامءَ ) شنگ کن ایں شمے کلانی گوں دل ءِ جھلاکاں منتوار ایں کہ شما ھروھدءَ مئے ھمراھداری کرتگ ءُ ھمے اوست اِنت کہ دیمءَ ھم ھمے رنگءَ ھمراھداری کن اِت۔
