سندھودیش روولیوشنری آرمی ( ایس آر اے ) ءِ جارکش سوڈوسندی ءَ ماں رسانکدر ءَ وتی شنگ کرتگیں درشانے ءَ گوشتگ کہ ایس آر اے پیز آباد ( ھیرپور میرس ) ءِ نزیک ءَ پنجاپ ءَ روکیں ریلوے ٹریک ءِ سر ءَ بمب تراک ءِ زمہ وری ءَ من ایت۔
آئی ءَ گوشتگ کہ تراک ءِ آسر ءَ پنچ پُٹ ءَ ریلوے ٹریک تباہ بوتگ ءُ پنجاپ ءَ رھوکیں درسیں ریلانی روگ ءُ آھگ بند بوتگ۔ پاکستان ریاست پنجاپی لشکر ءُ وتی آبادکارانی پارست ءَ سند ءِ ڈگاراں دستیگ کنگ ءُ سندیاں وتی جند ءِ سرڈگار ءِ سر ءَ گوں کمیناں مٹ کنگ ءَ اِنت۔
جارکش ءَ گوشتگ کہ سند ءِ مڈی، کور، تیاب ءُ دریا ءُ درسیں ودی بیوکیں مڈیاں گوں توپک ءِ زور ءَ لٹ ءُ پل کنگ ءَ اِنت۔ ایس آر اے پنجاپی لشکر ءَ ھوار درسیں درآمدیں آبادکاراں کڈن کنت کہ آ چہ سند ءَ در بہ کپ اَنت۔
سوڈوسندی ءَ گوشتگ کہ ایس آر اے داں سند ءِ سرجمیں آجوئی ءَ وتی گھگیری جھد ءِ برجاہ دارگ ءِ کول ءَ کنت۔
