سندھودیش روولیوشنری آرمی )ایس آر اے ) ءِ جارکش سوڈھو سندی ءَ ماں رسانکدر ءَ وتی شنگ کرتگیں درشانے ءَ گوشتگ کہ اے ایس پی لاڑکانہ سٹی ءِ کارگس ءِ سر ءَ بوتگیں بمب ارش ءِ زمہ واری ءَ من ایں۔
آئی ءَ گوشتگ کہ سندپولیس، سی ٹی ڈی ءُ تیوک ءَ اے ایس پی لاڑکانہ کارگس پاکستانی چیریں اداراھانی ھواری ءَ آیانی گوشتن ءِ پد ءَ سندی راجدوستیں باسکانی گساں بیڑ برگ، آوارجنگ ءُ بیگواہ کنگ،آیانی ھونانی کمشرپی ءُپہ آیانی آجوئی ءُ انساپ ءَ بیوکیں زھرشانیانی سر ءَ تیرگواری ءُ لٹ شاپ ءَ ھوار بوتگ ۔
جارکش ءَ گوشتگ کہ آیاں کڈن کن ایں کہ ریاستی چیریں ادارھانی پرمان ءِ رد ءَ آ وتی دلاری ءِ کرد ءِ پیلو کنگ ءَ بند بہ کن اَنت، اگاں نہ آیا نی سر ءَ گیشتر ترندیں ارش کن ایں۔
سوڈوسندی ءَ گوشتگ کہ ایس آر اے داں سند ءِ سرجم ءَ آجوئی ءَ وتی گھگیری جھد ءِ برجاہ دارگ ءِ کول ءَ کنت۔
