بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں کیچ ءِ ھند زامران ءَ دو جتائیں ارشاں زورگریں پاکستانی لشکر نشانگ کرتگ۔
آئی ءَ گوشتگ کہ بی ایل اے ءِ سرمچاراں 26 مئی ءِ شپ ءَ زامران ءِ ھند نوانو ءِ کور ءَ برجاھیں زورگریں پاکستانی لشکر ءِ پانگس ءِ سر ءَ گرنیڈ لانچر ءِ باز گولا آس داتگ ءُ نشانگ کرتگ۔ ارش ءِ آسر ءَ دژمنیں لشکر ءَ جانی ءُ مالی تاوان بوتگ۔
جارکش ءَ گوشتگ کہ دگہ یک کاروائی یے ءَ سرمچاراں زامران ءِ ھند آرچنان ءَ برجاھیں دژمن ءِ پانگس ءِ پھازداریں کارمند گوں اسنائپر ءَ نشانگ کرتگ کہ آ جاھی مرتگ۔
بی ایل اے ءِ جارکش جیھند ءَ ارشانی زمہ واری من اتگ ءُ گوشتگ کہ داں سرڈگار ءِ آجوئی ءَمئے کاروائی برجاہ بنت۔
