بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں آواران ءِ ھند جاؤ ءَ زورگریں پاکستانی لشکر ءِ نوندڑہ ءَ برجاھیں بُنجل ءِ سر ءَ اُرش کُرتگ ءُ دُژمن ءِ درزنی ءَ گیش کارمند کُشتگ ءُ دیگے باز جانی ءُ مالی تاوان داتگ۔
آئی ءَ گوشتگ کہ 26 مئی ءِ بیگاہ ءِ شش ءَ بی ایل ایپ ءِ کُربان بھرگ ءِ سرمچاراں نوندڑہ جاؤ ءَ برجاھیں پاکستانی لشکر ءِ بنجل چہ چاریں نیمگاں انگِر کُرتگ ءُ گوں ٹوھیں سلاھاں یک ٹوھیں اُرشے کُرتگ۔ اے اُرش ءَ بی ایل ایپ ءِ اسنائپر ٹِک تیر ھم ھوار بیتگ اَنت۔
جارکش ءَ گوشتگ کہ تُرندیں اُرش ءَ دژمنیں لشکر ءِ درزنی ءِ کچ ءَ کارمند مُرتگ ءُ دیگے باز ٹپی بیتگ۔اُرش ءِ آسر ءَ دژمنیں لشکر ءِ پنچ پانگس ءُ بُنجل ءِ دُرسیں سنگر تباہ کُرتگ اَنت۔ سرمچار بنجل ءِ نزیک ءَ شُتگ اَنت ءُ بُنجل ءِ تہ ءَ دستی بمب چگل داتگ کہ چہ ایشی ءَ دژمن ءَ دیگے باز جانی ءُ مالی تاوان بیتگ۔
آئی ءَ گوشتگ کہ اے میان ءَ چہ تُرس ءَ لشکر ءِ بازیں کارمنداں وتی سنگر ءُ بُنجل یل کُرتگ ءُ تتکگ اَنت۔جنگ داں چار اَداراں برجاہ بیتگ۔ اُرش ءِ آدگہ روچ ءَ27 مئی ءَ پروش وارتگیں دژمن ءَ چو مدامی ئیں وڑ ءَ لس آبادی ءِ سر ءَ بیڑ بُرتگ ءُ باز جاگہ لشکر ءَ دگ بستگ ءُ مردم دلسیاہ ءُ پریشان کُرتگ اَنت۔
جارکش ءَ گوشتگ کہ اے اُرش ءَ کُربان بھرگ ءِ ھمبل سیکنڈ لپٹیننٹ اشرپ پنام ریھان نوکاپ ء مراد بکش جھمنند کندڑی مشکے دژمن ءِ پسھی مارٹر گولا ءِ زد ءَ اتکگ ءُ نمیران بیتگ۔
میجر گھرام ءَ گوشتگ کہ نمیرانیں ھمبل اشرپ جان بلوچ آجوئی جُھد ءِ یک مُھکم ءُ جپاکشیں ھمبلے بیتگ۔آئی آجوئی ءِ جتائیں پڑاں زورگریں پاکستانی لشکر ءِ بگیری ءَ کاراں بھر زُرتگ ءُ گوں جوانمردی ءَ وتی کِردے پیلو کُرتگ۔
آئی ءَ گوشتگ کہ نمیرانیں ھمبل شھید اشرپ جان بی ایل ایپ ءِ یک پُرکاریں جُھدکارے بیتگ ءُ گوں دژمن ءَ دیم پہ دیمی جنگ ءَ دو رند ءَ ٹپی بیتگ بلے دوئیں رنداں ٹپانی دُراہ بیگ ءَ پد جنگی پِڑ ءَ چہ پیش ئیگ ءَ گیش پُرکار بیتگ۔
جارکش ءَ گوشتگ کہ بی ایل ایپ نمیرانیں اشرپ جان ءَ ستک شانی ندر کنت ءُ نمیرانیں ھمبل ءِ لوٹ ءُ واھگانی آسر کنگ ءِ کول ءَ کنت۔
آئی ءَ گوشتگ کہ یات بہ بہ اِت ھر وھد ءَ کہ جنگی پِڑ ءَ سرمچارے نمیران بیت گڑا ما پہ نازے آئی ءِ نمیرانی ءَ راج ءُ جھان ءِ دیم ءَ کار ایں، آئی ءِ دیمونیاں ستاشانی ندر کن ایں بلے پاکستانی لشکر ءِ جارکش آئی ایس پی آر وتی باڑھی کارمندانی کوش ءَ کم کنت ءُ پیشدار ایت یا کہ پھک بے توار بیت ءُ وتی کارمندانی لاشاں چیر دنت ءُ پہ آیاں پوڑی( فنڈ) راہ دنت، چے ءَ کہ دژمن ءَ وتی باڑھی لشکر ءِ کپتگیں توان ءِ تُرس انگِر کنت۔اے جنگ ءَ ھم آئی ایس پی آر وتی لشکر ءِ جانی ءُ مالی تاوانانی چیر دیگ ءِ جُھد ءَ کنگ ءَ اِنت۔
میجر گھرام ءَ اے تُرندیں اُرش ءِ زمہ داری ءَ من اتگ ءُ گوشتگ کہ مئے اے وڈیں تُرندیں اُرش داں زورگپتیں بلوچستان ءِ آجوئی ءَ برجاہ بنت۔
