بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں کولواہ ءُ سبی ءَ سے جتائیں ارشاں زورگریں پاکستانی لشکر نشانگ کرتگ، چہ ایشی ءَ دو کارمند مرتگ۔
آئی ءَ گوشتگ کہ دوشی کولواہ ءِ ھند رودکان ءَ بی ایل اے ءِ سرمچاراں زورگریں پاکستانی لشکر ءِ کارمندانی سر ءَ ھماوھد ءَ ارش کرتگ کہ آ وتی بنجل ءِ تہ ءَ یک گاڑی یے ءِ کر ءَ مچ بوتگ اَنت۔ سرمچاراں دژمنیں لشکر ءِ سر ءَ گرنید لانچر ءِ باز گولا آس داتگ ءُ گوں مزنیں سلاھاں ارش کرتگ۔ ارش ءِ آسر ءَ کم چہ کم دو کارمند جاھی مرتگ ءُ دگہ دو کارمند ٹپی بوتگ، دژمن ءَ گیش جانی ءُ مالی تاوان بوتگ۔
جارکش ءَ گوشتگ کہ بی ایل اے ءِ سرمچاراں مرچی سھب ءَ سبی ءِ ھند کرمو وڈ ءَ زورگریں پاکستانی لشکر ءِ یک پانگسے ءَ گوں مزنیں سلاھاں ارش کرتگ۔ چہ ایشی ءَ دژمن ءَ جانی ءُ مالی تاوان بوتگ۔
آئی گوشتگ کہ سرمچارانی دگہ یک ٹولی یے ءَ کرمو وڈ ءَپاکستانی لشکر ءِ پیادگیں کارمند ارشے ءَ نشانگ کرتگ اَنت چہ ایشی دژمن ءَ تاوان بوتگ۔
بی ایل اے ءِ جارکش جیھند ءَ ارشانی زمہ واری من اتگ ءُ گوشتگ کہ داں زورگریں پاکستانی لشکر ءِ چہ بلوچستان ءَ سرجم ءَ درآھگ ءَ مئے ارش برجاہ بنت۔
