کشگ ءِجارجتگ ءُ گوشتگ کہ شما درس سرپد اِنت بلوچستان ءِ جاہ منندیں بلوچ راج چہ گوستگیں ھپتاد ءُ شش سالاں زوراکیانی آماچ اِنت۔ ریاست ءُ آئی ادارہ تچکی ءَ بلوچ راج ءِ چکچینی ءَ کنگ ءَ اَنت۔ بلوچستان ءَ زوریں بیگواھی ءِ نہ کٹوکیں درچ برجاہ اِنت ، چوشیں روچ نیست یک بلوچ پسگے شھید یا بیگواہ کنگ مہ بیت۔
آئی ءَ گوشتگ کہ اے زوراکی، زوریں بیگواھی، بلوچ پسگانی درکانودی کوش ءِ بگیری ءَ بلیدہ زامران ءِ جاہ منندیں زور بیگواھیں مردمانی کھولانی نیمگ ءَ 2 جون 2024 ءَبیگاہ ءِ سے ءَ چہ بلیدہ ءِدیم پہ تربت ءَ روانکے کشگ بوگ ءَ اِنت۔
آئی ءَ گوں درسیں بھرگاں سیادی داروکیں مردماں بھر زورگ ءِ لوٹ کرتگ ءُ گوشتگ کہ آ ریاستی زوراکی، درکانودی کوش، دزگیریءُ زوریں بیگواھیانی بگیری ءَ مئے کمک ءَ بہ کن اَنت۔ ما اے گپ ءَ شر زانیں کہ ریاست ءُ آئی زورمندیں ادارہ پہ زانت شوربندی یے ءِ پارست ءَ بلوچ چکچینی کنگ ءَ اَنت۔ ریاست ءِ پندلانی بے سوب کنگ ءَ مئے گھگیری بلوچ راجی پدریچ ءِ مانزمان اِنت۔
