راجدوستین سروک استاد واھد کمبر ءَ ابدُرؤپ ءِ بیرانی ءَ دلپدردی درشان کُرتگ ءُ گْوشتگ کہ بدرؤپ چہ نودربری ءِ زمانگ ءَ گوں راجدوستی راجداری ءَ بندوک بیتگ ءُ آئی ءَ بی ایس او ( آوامی ) ءِ لیکہ ءُ راجداری راہ ءِ پلہ مرزی کُرتگ کہ ھما راہ ءِ راجدار مرچیگیں آجوئی زْرمبشت ءِ تہ ءَ جوانیں کِردے پیلو کنگ ءَ اَنت۔
آئی ءَ گْوشتگ کہ من وتی دیرگیں لیکھی راجداریں ھمبل ءِ بیرانی ءَ دلپدرد آں ءُ آئی ءِ کھول ءِ درداں شریدار آں۔انیگیں زْرمبشت ءِ تہ ءَ ھدامُرزی ئیں ابدُرؤپ ءَ وتی زھگانی دْروشُم ءَ وتی بھر مان کُرتگ ءُ آئی ءِ یک زھگے شھید چاکر پنام جاڑ بلوچ راجی آجوئی زْرمبشت ءِ یک سرمچارے بیتگ کہ آئی وتی پِت ءِ راجدوستی لیکہ ءِ ھک پیلو کُرتگ ءُ پہ وت ءَ آجوئی جُھد ءِ راہ گچین کُرتگ۔
استاد واھد کمبر ءَ گْوشتگ کہ واجہ ابدُرؤپ یک شھیدے ءِ پِت ءُ راجداری لیکہ ءِ بندوکی ءِ بنیاد ءَ مدام گیر آرگ بیت۔
