روکپتی بلوچستان ءِ دمگ شستون ءَ لبزانکی ءُ ربیدگی گل آتار ءِ ماھی دیوان برجم دارگ بیتگ۔
دیوان شمبے ءِ روچ ءَ آتار ءِ دیوانجاہ ءَ برجم دارگ بیتگ، دیوان ءَ آتار ءِ اُگدھدار ءُ باسکاں بازیں کچے ءَ بھر زُرتگ۔
دیوان ءَ لبزانکی ءُ ربیدگی کارانی بابت ءَ گوں دلجمی ءَ گپ ءُ تران بیتگ ءُ نوکیں اُگدھدار گچین کنگ بیتگ اَنت۔
یات بہ بہ اِت کہ ماں روکپتی بلوچستان ءِ دمگ شستون ءَ اے اولی لبزانکی ءُ ربیدگی گل اِنت کہ جوانیں رنگے ءَ پہ زبان ءُ ربیدگ ءَ کار کنگ ءَ اِنت۔
