گوادر: پاکستانی لشکر ( کوسٹ گارڈ) ءَ دریا ءَ شتگیں ماھگیر لٹ شاپ کرتگ اَنت، لشکر ءِ زورکیانی بگیری ءَ مردماں زھرشانی کرتگ۔
بنشون ءِ رد ءَ مردماں پاکستانی لشکر ءِ زوراکیانی بگیری ءَ ایکسپریس وے ءَ زھرشانی کرتگ ءُ درسیں راہ بند کرتگ اَنت۔ زھرشانی ءَ مردماں بازیں کچے ءَ بھر زرتگ۔ دریا ءَ لٹ شاپ بوتگیں ماھیگیری ءِ لوگبانک ءَ گوادر جی ٹی ءِدراوزگ کبل کرتگ ءُ بند کرتگ۔
زھرشانی ءَ لٹ شاپ بوتگیں ماھیگیر ءِ لوبانک ءَ تران کرتگ ءُ گوشتگ کہ منی لوگواجہ نادراھے چہ وتی لاچاری ءَ دریا ءَ ماھی ءِگرگ ءَ شتگ کوسٹ گاڑد ءِ کارمنداں سکا لٹ شاپ کرتگ۔ گوں منی لوگواجہ ءِ ھواری ءَ منی زامات ءُ دگہ یک کسانیں زھگے گوں بوتگ درس لٹ شاپ کرتگ اَنت۔
آئی گوشتگ کہ مئے مردم پہ درمان کنگ ءَ نادراھجاہ ءَ برگ بوتگ اَنت،دانکہ مئے جیڑہ گیش ءُ گیوار کنگ نہ بوتگ ما زھرشانی ءَ برجاہ دار ایں ءُ دگ ءَ پچ نہ کن ایں۔ ما دگہ پگار ءُ نوکری لوٹگ ءَ نہ ایں مئے مردم پہ وتی زھگانی لاپ ءِ والینگ ءَ دریا ءَ شتگ اَنت کہ آ بے میار ءَ لٹ شاپ کنگ بوتگ اَنت۔
