سوئی: پاری زورگریں پاکستانی لشکر ءِ دست ءَ زور بیگواہ کنگ بوتگیں منشی آجو بوتگ۔
اھوالکار ءِ رد ءَ منشی ء روشن بگٹی 16 جولائی 2023 ءَ چہ سوئی بالی پٹ ءِ نزیک ءَ گوں پت ءِ ھواری ءَ زورگریں پاکستانی لشکر ءُ چیریں ادارھانی کارمندانی دست ءَ آوار جنگ ءُ بیگواہ کنگ بوتگ اَت۔ منشی دہ ماہ ءِ زوریں بیگواھی ءَ پد آجو بوتگ۔
منشی ءِ آجوئی ءِ گپ بیگواھیں بلوچانی توار ( وی بی ایم پی ) ءَ راست کرتگ ءُ ماں رسانکدر ءَ آئی اکس شنگ کرتگ۔
