بلوچ یکجھتی کمیٹی ءَ ماں چاگردی رسانکدر ءَ نبشتگ کہ ھندی مردمانی گوشگ اِنت ھمک شپ گوادر ءِ ھند سوربندر ءَ انگر کن اَنت ءُ جاہ منندیں مردمانی ترسینگ ءَ پہ پٹ ءُ پول ءَ کارائی کنگ بیت۔ سربندر ءَ کم چہ کم 25 مردم زور بیگواہ کنگ بوتگ اَنت، آیانی تہ ءَ لھتیں مردم آزاردیگ ءَ پد یل کنگ بوتگ اَنتءُ دگہ ھپت مردم سمیر ھمزہ، درمھمد، اُمیر اسلم، مھسن رھیم بکش، نیاز، نزام مھم جان، بلال رزا مھمد ءِ بارو ءَ ھچ وڑیں ھال نیست۔
آئی ءَ دیمتر ءَ گوشتگ کہ بلوچ یکجھتی کمیٹی اے وڑیں ناشرکاریاں ایر جنت ءُ ایشی بگیری ءَ کنت۔ ما گوں مردمی ھکانی گلاں لوٹ کن ایں کہ آ اے زوراکیانی بگیری ءَ توار چست بہ کن اَنت۔
