کراچی: بلوچ اسٹوڈنٹس ایکشن کمیٹی کراچی ھنکین الیاس بُنزہ ءِ نیمگ ءَ 12 مئی 2024 ءَ یک روچی کتاب میڑھے بلوچستان کتاب کاروان ءِ نام ءَ بشیر ولیج گُلشن اکبال ءَ برجم دارگ بوتگ۔
میڑہ ءِ تہ ءَ سیاست، بُن دپتر، بلوچ سیاست، بلوچ راجدپتر، لبزانک، لیکہ ءُ سائنس ءَ ھوار جتا جتائیں سرھالانی کتاب ایر کنگ بوتگ اَنت۔ گل ءِ نیمگ ءَ چاپ ءُ شِنگ بیتگیں کتاب نوْشت، گام، ماتی زبان ءِ کتابُک ہم ایر کنگ بوتگ اَنت۔
اے کتاب میڑہ ءَ نودربراں ھوار کشءُ گوْرءِ بازیں لس مھلوک ءُ گونڈوُاں بھر زرتگ ءُ وتی دوستیگیں کتاب اِش پہ وانگ ءَ زُرتگ اَنت۔
گل ءِ مُدامی جھد ھمیش اِنت کہ بلوچ نودربر ءُ بلوچ لس مھلوک ءِ تہ ءَ کتاب دودے ودی بہ کنت داں نودربر وتی گوست ءُ ھست ءَ ھوار دنیا ءِ کُلیں چِست ءُ ایراں سرپد بہ بنت، ھمے سوب اِنت کہ گل جتا جتائیں دمگاں بلوچستان کتاب کاروان ءِ نام ءَ کتاب میڑہ برجم دارگ ءَ اِنت۔
