گوادر:سربندان ءَ دوشی زورگریں پاکستانی لشکر ءُ چیریں ادارھانی کارمنداں ورنایے آوار جتگ ءُ بیگواہ کرتگ۔
اھوالکار ءِ رد ءَ زور بیگواہ کنگ بوتگیں ورنا ءِ نام مھسن ء رھیم بکش اِنت کہ سربندان گوادر ءِ جاہ منند اِنت ءُ ماھیگیرے۔ دوشی زورگریں پاکستانی لشکر ءُ چیریں ادارھانی کارمنداں آوار جتگ ءُ بیگواہ کرتگ کہ انگت بیگواہ اِنت۔
بنشون ءِ رد ءَ دوشی زورگریں پاکستانی لشکر ءَ سربندن ءَ بازیں گساں بیڑ برتگ ءُ گوں مردماں زوراکی کرتگ۔ اے باروا مئے جست ءُ پرس برجاہ اِنت۔
یات بہ بہ اِت کہ دو روچ پیش ھم پاکستانی لشکر ءَ چہ سربندن ءَ باز مردم آوار جتگ ءُ بیگواہ کرتگ اَت۔
