کیچ: تربت ءِ میتگ جوسک ءَ پاکستانی چیریں ادارھانی کارمنداں ورنایے آوار جتگ ءُ بیگواہ کرتگ۔
اھوالکار ءِ رد ءَ زور بیگواھیں ورنا ءِ نام آدم ء سومار اِنت کہ بالگتر لوپ ءِ جاہ منند اِنت۔ زور بیگواھیں آدم ءَ تیل کشیں گاڑی یے گوں بوتگ کہ آ سمیسر ءَ تیل ءِ باپاری ءَ کنت۔
آدم یک شمبے ءِ بیگاہ ءَ وتی گاڑی ءِ شودگ ءَ بوتگ کہ چیریں ادارھانی کارمند سرپ گاڑی یے ءِ سر ءَ آتکگ اَنت ءُ آوار اِش جتگ ءُ گوں وت برتگ۔
