نسیر آباد/ مستونگ/ ڈیرہ بگٹی: جتائیں تیرگواری ویلاں مردمے بیران ءُ شش مردم ٹی بوتگ اَنت۔
بنشون ءِ رد ءَ نسیرآباد ءِ ھند چتر دگ ءَ پجار نه بوتگیں سلاه بندیں مردماں گاڑی ءِ سر ءَ تیرگواری کرتگ مردمے مرتگ ءُ دو مردم ٹپی بوتگ۔ بیران بوتگیں مردم ءِ نام اَلی بگٹی اِنت ءُ ٹپی بوتگیں مردم ءِ پنجاپ ءِ جاہ منند اَنت۔
کشگ بوتگیں مردم ءِ لاش ءُ ٹپی بوتگیں مردم نادراھجاه ءَ دیم دیگ بوتگ اَنت ءُ کشگ بوتگیں مردم ءِ لاش ھژدری چار ءُ ٹپاس ءَ پد مردگ جاه ءَ ایر کنگ بوتگ.
ویل ءِ سوب انگت زانگ نه بوتگ۔
ھمے وڑ ءَ مستونگ ءِ ھند دتو ءَ کوه نور ھوٹل ءِ نزّیک ءَ تیرگواری ءَ سے مردم ٹپی بوتگ اَنت۔
بنشون ءِ رد ءَ ٹپی بوتگیں مردمانی نام سیدال هان، مھمد ایوب ءُ مھمد کاسم ساسولی اِنت په درمان کنگ ءَ نادراهجاه ءَ دیم دیگ بوتگ اَنت۔
ڈیره بگٹی ءِ چمبڑی ءَ زمینی جیڑھے ءَ تیرگواری ءَ پزل ھسین بگٹی نامیں مردمے ٹپی بوتگ، آ پہ درمان کنگ ءَ ڈیرہ گازی ھان ءَ نادراهجاه ءَ دیم دیگ بوتگ۔
