بلوچ راجی زرمبشت ( بی این ایم ) ءِ بنجاھی سرکماش ڈاکٹر نسیم ءَ ماں چاگردی رسانکدر ایکس ءَ پاکستان ءِ زورگپتیں کشمیر ءَ مردمانی برجاھیں زرمبشت ءِ بگیری ءَ ریاست ءِ زوراکی ءُ دزگریانی پژدر ءَ نبشتہ کرتگ کہ پاکستان جتائیں راجانی سرڈگار ءِ دستیگ کنگ ءِ بنیاد ءَ جوڑ بوتگ۔
آئی ءَ گوشتگ کہ وتگڑیں آزاد کشمیر اے وھد ءَ ھما زوراکیاں اوپار کنگ ءَ اِنت کہ ایشی ما گوستگیں ھپتاد ءُ شش سال اِنت دیم پہ دیمی ءَ کنگ ءَ ایں۔
بی این ایم ءِ سرکماش ءَ گوشتگ کہ پہ درسیں راجاں ھژدری اِنت کہ آ پہ وتی آجوئی ءِ دوبر گرگ ءَ پاکستان ءِ بگیری ءَ یکجاہ بہ بنت۔
