بلوچستان آجوئی سنگر ( بی ایل ایپ )ءِ جارکش میجر گھرام ءَ ماں رسانکدر ءَوتی شنگ کرتگیں درشانے ءَ گوشتگ کہ سرمچاراں کیچ ءِ بنجاھی شھر تربت ءِ نزیک ءَ جوسک ءَ سی پیک دگ ءِ سر ءَ پنجاپ ءَ روگ ءَ بیتگیں ٹرالر مانداشتگ۔
آئی ءَ گوشتگ کہ دوشی شپ ءِ یازدہ ءُ نیم ءَ سرمچاراں کیچ،جوسک ءَ سی پیک دگ بستگ ءُ گاڑی چار اِتگ اَنت ءُ پنجاپ ءَ روگ ءَ بیتگیں یک ٹرالرے مانداشتگ۔
جارکش ءَ گوشتگ کہ اے ٹرالر چہ گوادر پورٹ ءَ مڈیاں پنجاپ ءَ برگ ءَ بیتگ۔سرمچاراں ٹرالر ءِ ڈرائیور ءُ کلینئر مردمی بنیاد ءَ کڈن کُرتگ ءُ یل داتگ اَنت۔
آئی گوشتگ کہ زورگریں پاکستانی ریاست جتائیں پندلانی پارست ءَ بلوچ مڈیاں لُٹّگ ءُ پنجاپ ءَ آباد کنگ لوٹ اَنت۔ بلوچ سرمچار بلوچ راجی مڈّی ءُ سرڈگار ءِ پھریزگ ءَ ھر وھد ءَ ساجو اَنت۔کَس ءَ اے ھک نیست کہ آ بلوچ راج ءِ واھگ ءَ ابید سرڈگار ءِ مڈیاں بھا بہ کنت۔
جارکش ءَ گوشتگ کہ ما مدام واپاری کڈن کُرتگ اَنت ءُ یکبرے پد ءَ جھانی ءُ دمگی واپاری ءُ ٹرالڑ واھنداں کڈن کن ایں کہ اے شوربندیانی بھر جوڑ مہ بنت۔ بلوچستان ءَ جنگ اِنت۔اے دُرسیں واپاری وتی ھر وڑیں تاوان ئِے ءِ زمہ وار وت اَنت۔
بی ایل ایپ ءِ جارکش میجر گھرام ءَ ارشءِ زمہ واری من اتگ ءُ گوشتگ کہ اے اُرش داں بلوچستان ءِ آجوئی ءَ برجاہ بنت۔
