بلوچستان آجوئی سنگر ( بی ایل ایپ ) ءِ جارکش میجر گھرام ءَماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کیچ ءِ ھند تمپ، رودبُن ءَ برجاھیں دژمنیں پاکستانی لشکر ءِ پانگس ءُ ٹاور ءَ جنوک بیتگیں کیمرہ نشانگ کُرتگ اَنت۔
آئی گوشتگ کہ دوشی شپ ءِ ھشت ءُ نیم ءَ سرمچاراں رودبُن ءَ زورگریں پاکستانی لشکر ءِ پانگس ءُ نزیک ءَ برجاھیں ٹاور ءَ جنوک بیتگیں سروائیلنس کیمرہ گوں نوکیں سلاھاں نشانگ کُرتگ۔اے اُرش ءَ دژمن ءِ دو کارمند ٹپی بیتگ ءُ سروائیلنس کیمرہ آدرہ بیتگ اَنت۔
جارکش ءَ گوشتگ کہ اُرش ءَ پد پروش وارتگیں دژمنیں لشکر ءَ لس آبادی ءِ سر ءَ تیرگْواری ءُ گولا آس داتگ۔چہ ایشی ءَ دو رھگوز ٹپی بیتگ۔لس آبادی ءُ مردمانی نشانگ کنگ دژمن ءِ پروش ورگ ءِ نشانی اِنت۔
میجر گھرام ءَ ارش ءِ زمہ واری من اتگ ءُ گوشتگ کہ داں بلوچ سرڈگار ءِ آجوئی ءَ زورگریں لشکر ءِ سر ءَ اُرش گوں تُرندی ءَ برجاہ بنت۔
