بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں زامران ءَ دو جتائیں ارشاں زورگریں پاکستانی لشکر ءُ آئی جتگیں چاریگی کیمرہ ءُ ابزار نشانگ کرتگ اَنت۔
آئی ءَ گوشتگ کہ بی ایل اے ءِ سرمچاراں دوشی زامران ءِ ھند پگنزان ءَ پاکستانی لشکر ءِ جتگیں چاریگی کیمرہ، راھوتی ابزار ءُ گوں آئی ءَ ھوار سولر ءُ آدگہ سامان نشانگ کرتگ ءُ تباہ کرتگ اَنت۔
جارکش ءَ گوشتگ کہ ھمے وڑ ءَ مرچی ھمے جاہ ءَ دژمنیں لشکر ءِ پیادگیں کارمندانی سر ءَ دگہ ارشے کرتگ، سرمچاراں یک دژمنیں کارمندے گوں اسنائپر ءَ نشانگ کرتگ کہ جاھی مرتگ ءُ رند ءَ گوں نوکیں سلاھاں دژمن ءِ سر ءَ ارش کرتگ چہ ایشی آئی ءَ گیش تاوان بوتگ۔
بی ایل اے ءِ جارکش جیھند ءَ اے ارشانی زمہ واری من اتگ ءُ گوشتگ کہ زورگریں لشکر ءِ سر ءَ داں بلوچستان ءَ سرجم ءَ در آھگ ءَ مئے ارش برجاہ بنت۔
