![](https://zrumbesh.com/wp-content/uploads/2024/05/1000318432.png)
چاگے: سیمسر ءَ زورگریں پاکستانی لشکر ءِ تیرگواری ءَ روکپتی بلوچستان ءِ جاہ منندیں ورنایے بیران بوتگ۔
اھوالکار ءِ رد ءَ بیران بوتگیں مردم ءِ نام تاھا نوازھی ء رھیم اِنت کہ آ روکپتی بلوچستان ءِ ھند ھاش ءِجاہ منند اِنت۔ آئی لاش پہ ھژدری چار ءُ ٹپاس کنگ ءَ نادراھجاہ ءَ برگ بوتگ۔
یات بہ بہ اِت کہ دو سال پیش چاگے ءَ زورگریں پاکستانی لشکر ءِ تیرگواری ءَ ڈرائیورے بیران بوتگ اَت کہ آئی ناھکیں کوش ءِ بگیری ءَ مردماں زھرشانی کرتگ اَت۔
چہ ایشی پیش ھم بلوچستان ءِ جتائیں ھند ءُ دمگاں زورگریں پاکستانی لشکر ءَ تیل کشیں مزدور نشانگ کرتگ اَنت۔