گوادر: بلوچ یکجھتی کمیٹی ءِ سروک کامریڈ وسیم سپر بلوچستان ءِ تیاب دپی شھر گوادر ءَ ترءُ گردے ءَ شتگ ءُ چھب کلمتی ءِ جاہ منندیں مردمانی گون ءَ لٹ ءُ پلی شوربندی سیپ سٹی ءِ نام ءَ ٹٹ ءِ درگت ءَ گوں مردماں تران کرتگ ءُ گوشتگ کہ گوادر دمگ ءِ چار ھند اَنت اگاں گوادر ٹٹ کنگ بہ بیت گڑا آدگہ سے ھند پسنی، جیمڑی ءُ اورماڑہ ءَ ھوار آدگہ ھندانی مردم پہ گوادر شھر ءَ آھگ ءَ سکا سانمند بنت۔
آئی گوشتگ کہ گوادر ءِ ٹٹ کنگ ءِ مراد گوادر ءَ چہ بلوچستان ءِ آدگہ ھنداں پہ پندل ءُ شوربندیے ءِ بنیاد ءَ جتا کنگ اِنت، اے کار ءَ ریاست ءُ ریاستی ادارہ کنگ ءَ اَنت۔
کامریڈ وسیم ءَ گوں مردماں تران کرتگ ءُ گوشتگ کہ اے زورگر ءُ لٹ ءُ پلی شوربندی گوں مردمانی ترندیں گھگیریانی رد ءَ دارگ بنت۔
