کیچ:زامران ءَ زی زورگریں پاکستانی لشکر ءَ دو ورنا آوار جنگ ءَ پد بیگواہ کرتگ اَنت۔
اھوالکار ءِ رد ءَ زور بیگواہ کنگ بوتگیں ورنایانی نام شھزاد ابید ءُ ابدالوھاب اِنت کہ زامران ءِ میتگ نوانو ءِ جاہ منند اَنت۔ زی سھب ءَ وتی ڈگارانی سر ءَ شتگ ءُ کشارانی آپ دیگ ءَ بوتگ اَنت کہ زورگریں پاکستانی لشکر ءَ آوار جتگ ءُ بیگواہ کرتگ اَنت۔
آیانی زوریں بیگواھی ءِ گپ کھولاں راست کرتگ ءُ گوں سرکار ءَ آیانی آجوئی ءِ لوٹ کرتگ۔
