بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں دکی ءَ دوشمبے ءِ شپ ءَ زورگریں پاکستانی لشکر ءِ گاڑی گوں ارش ءَ نشانگ کرتگ، ارش ءِ آسر ءَ دژمنیں لشکر ءِ سے کارمند مرتگ ءُ چار ٹپی بوتگ۔
آئی گوشتگ کہ بی ایل اے ءِ سرمچاراں دکی ءَ زندگ پیر ءَ زورگریں پاکستانی لشکر ءِ دو گاڑیانی کاروان ءِ سر ءَ سنگر گپتگ ءُگوں نوکیں سلاھاں ارش کرتگ۔ لگوریں لشکر ءِ یک گاڑی یے جستگ ءُ یک گاڑی یے ارش ءِ زد ءَ آتکگ، ایشر ءَ سرمچاراں انگر کرتگ ءُ داں دیر ءَ گوں نوکیں سلاہ ءُ بمباں نشانگ کرتگ۔ اے ارش ءَ دژمنیں کارمند بلال ءَ ھوار سے کارمند جاھی مرتگ ءُ لانس نائیک اسمت، لانس نائیک مالک کیولءُ سپاھی شھزاد ءَ ھوار چار کارمند ٹپی بوتگ۔
جارکش ءَ گوشتگ کہ زورگریں پاکستانی لشکر بلوچ مڈیانی لٹ ءُ پل کنگ ءَ ھمے ھند ءَ ھندی چاریگان ءَ امن لشکر ءِ نام ءَ داتگ ءُ کشندہ ٹولی برجاہ داشتگ۔ آئی مول بلوچ ءِ مڈیانی لٹ ءُ پل کنگ ءُ سرمچارانی بگیری ءَ ٹولی جوڑ کنگ اِنت۔
بی ایل اے ءِ جارکش جیھند ءَ گوشتگ کہ بی ایل اے دژمن ءِ زرگپتیں ھندی چاریگاں کڈن کنت کہ اگاں آ بلوچ سرمچار ءُ راجی نپانی بگیری ءَ دژمن ءِ گون ءَ رمب ءَ ھوار بوت اَنت آیانی سر ءَ ترندیں ارش کنگ بیت۔ بلوچ آجوئی زرمبشت ءِ راجدروھانی گون ءَ ھما وڑ کنگ بیت کہ دژمن ءِ بگیری ءَ برجاہ اِنت۔ اے بیھار ءَ پد اگاں چونیں مردمے ھمے سرکاری لشکرانی گون ءَ یکجاھی ءَ گندگ بوت گڑا آ وتی ترسناکیں آسر ءِ بارو ءَ جاڑیگ بیت۔
