بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگ ءُگوشتگ کہ سرمچاراں آواران ءُ ھاران ءَ زورگریں پاکستانی لشکر ءِ سر ءَ اُرش کُرتگ، اُرشاں دو کارمند مُرتگ ءُ سَے ٹپی بیتگ۔
آئی گوشتگ کہ زی بیگاہ ءِ پنچ ءَ آواران ءِ ھند کولواہ، کنیچی ءَ برجاھیں دژمنیں پاکستانی لشکر ءِ پانگس ءِ سر ءَ سرمچاراں پیسر ءَ گوں اسنائپر توپک ءَ نشانگ کُرتگ ءُ یک کارمندے کُشتگ،پد ءَ چوکی ءِ سر ءَ گوں نوکیں سلاھاں اُرش کُرتگ کہ اُرش ءَ لشکر ءِ دگہ یک کارمندے ٹپی بیتگ ءُ پانگس ءَ تاوان بیتگ۔
جارکش ءَ گوشتگ کہ دگہ یک اُرشے ءَ سرمچاراں دوشی شپ ءِ ھپت ءَ ھاران ءِ ھند پتکن ءَ ریکمی پُھل ءَ برجاھیں زورگریں پاکستانی لشکر ءِ پانگس ءِ سر ءَ گوں ٹوھین ءُ نوکیں سلاھاں اُرش کُرتگ کہ اُرش ءَ دژمن ءِ یک کارمندے مُرتگ ءُ دو ٹپی بیتگ۔
بی ایل ایپ ءِ جارکش میجر گھرام ءَ ارش ءِ زمہ واری من اتگ ءُ گوشتگ کہ داں بلوچ سرڈگار ءِ آجوئی ءَ دژمنیں لشکر ءِ سر ءَ اُرش برجاہ بنت۔
