کیچ: تربت شھر ءَ شھید پدا اھمد چاراہ ءَ زور بیگواھیں دودا ءِ کھول ءِ نیمگ ءَ برجاھیں زھرشانی نندانک واکدار ءِ دلجمی دیگ ءَ پد ھلاس کنگ بوتگ۔
زور بیگواھیں دودا ءِ کھول ءَ گوشتگ مارا ھوتمان ءِ نیمگ ءَ دلجمی دیگ بوتگ کہ شما شپ ءَ وتی زھرشانی نندانک ءَ ھلاس بہ کن اِت، دودا شپ ءِ نیم ءَ یل کنگ بیت۔
آئی ءِ گوشگ اِنت ما ھمے دلجمی ءِ بنیاد ءَ وتی زھرشانی ءَ ھلاس کنگ ءَ ایں اگاں دودا انشپی یل کنگ نہ بوت ما باندا پد ءَ کائین ءُ شھید پدا اھمد چاراہ ءَ زھرشانی ءَ نند ایں۔
یات بہ بہ اِت کہ زی بیگاہ ءَ زورگریں پاکستانی لشکر ءِ جوڑ کرتگیں چیریں ادارھانی کارمنداں دودا ھان ء لال بکش بلوچی بازار میری ءَ گسانی نزیک ءَ آوار جتگ ءُ بیگواہ کرتگ۔
