آواران: مشکے ءَ زورگریں پاکستانی لشکر ءَ ھاسل نامیں ورنایے وتی بنجل ءَ لوٹاھینتگ ءُ بیگواہ کرتگ۔
اھوالکار ءِ رد ءَ زور بیگواھیں ورنا ھاسل ء مھمد ھسن شردوھی تنک ءِ جاہ منند اِنت کہ مرچی 26 اپریل ءَ زورگریں پاکستانی لشکر ءَ گوں دگہ مردمے ءِ ھواری ءَ بنڈکی ءَ برجاھیں پانگس ءَ لوٹاھینتگ اَنت آئی ھمراہ یل کنگ بوتگ ءُ ھاسل بیگواہ اِنت۔
زور بیگواھیں ھاسل ءِ بارو ءَ گوشگ بوگ ءَ اِنت کہ پیسر ءَ ھم پاکستانی لشکر ءِ دست ءَ دو رند ءَ بیگواہ کنگ بوتگ ءُ چہ بازیں آزاراں پد یل کنگ بوتگ۔ اے آئی سیمی رند اِنت کہ بیگواہ اِنت۔
