تربت: زورگریں پاکستانی لشکر ءِ دست ءَ زور بیگواھیں ازیر شمبے ءُ نواز سرور ءِ کھول ءِ نیمگ ءَ ڈی بلوچ ءَ برجاھیں زھرشانی نندانک ءَ کھول ءُ واکدار ءِ میان ءَ گپ ءُ تران سوبین بوتگ۔ داں ھشت روچ ءَ زھرشانی نندانک ھلاس کنگ ءُ دگ پچ کنگ بوتگ۔
یات بہ بہ اِت کہ پاکستانی لشکر ءُ چیریں ادارھانی کارمنداں 18 اپریل ءَ جوسک ءَ بیڑ برتگ ازیر شمبے ءُ نواز سرور آوار جتگ ءُ زور بیگواہ کرتگ اَنت۔ ڈی بلوچ ءَ آیانی کھول ءِ زھرشانی نندانک ءَ چار روچ سرجم بوتگ۔
دومی نیمگ ءَ شاپک ءَ زور بیگواھیں نئیم رھمت ءِ کھول ءِ نیمگ ءَ زھرشانی نندانک برجاہ اِنت، مرچی تُربَت بازار ءَ تھتگ بند ھرتال بیت۔
