بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں تیرتج ءَ پاکستانی لشکر ءِ بنجل ءُ پانگس ءِ سر ءَ اسنائپر، راکٹ ءُ گوں نوکیں سلاھاں اُرش کُرتگ کہ چہ ایشی ءَ لشکر ءِ پنچ کارمند مُرتگ ءُ باز ٹپی بیتگ۔
آئی ءَ گوشتگ کہ چار شمبے ءِ شپ ءِ یازدہ ءَ سرمچاراں آواران ءِ ھند تیرتیج ءَ جک ءَ برجاھیں پاکستانی لشکر ءِ بنجل ءُ پانگس ءِ سر ءَ دو نیمگ ءَ گوں اسنائپر، راکٹ ءُ نوکیں سلاھاں اُرش کُرتگ۔اے اُرش داں سی دمان ءَ برجاہ بیتگ، چہ ایشی ءَ دُژمنیں پاکستانی لشکر ءِ پنچ کارمند جاھی مُرتگ۔ اے اُرش ءَ دُژمن پدکنز بیتگ ءُ باز کارمند ٹپی بیتگ۔
جارکش ءَ گوشتگ کہ سرمچارانی گھتریں جنگی کارشونیانی سْوب ءَ زورگریں دژمن چہ مدامی ئیں اُرشاں نیست ءُ نابود بیتگ ءُ سَسّائی پروش ءِ آماچ اِنت۔
میجر گھرام ءَ اُرشانی زمہ واری منّ اِتگ ءُ گوشتگ کہ داں بلوچ سرڈگار ءِ آجوئی ءَ زورگریں لشکر ءِ سر ءَ اُرش برجاہ بنت۔
