بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں کلات ءُ زامران ءَ دو جتائیں اُرشاں زورگریں پاکستانی لشکر ءُ لشکر ءِ رھوتی ابزار نشانگ کرتگ اَنت۔
آئی ءَ گوشتگ کہ سرمچاراں دوشی کلات ءِ ھند جوھان ءَ زورگریں پاکستانی لشکر ءِ بنجل ءِ پھازداریں پانگسانی سر ءَ گوں مزنیں سلاھاں اُرش کرتگ۔ اُرش ءِ آسر ءَ کم چہ کم دو دژمنیں کارمند مرتگ ءُ سے ٹپی بوتگ۔
جارکش ءَ گوشتگ کہ ھمے وڑ ءَ سرمچاراں دوشی دگہ یک اُرشے ءَ زامران ءِ ھند جالگی ءَ زورگریں پاکستانی لشکر ءِ راھوتی ابزار گوں آئی ءَ ھواریں بیٹری ءُ سولر سسٹم تباہ کرتگ اَنت۔
آئی ءَ گوشتگ کہ ھمے میان ءَ پروش وارتگیں لشکر ءَ جتائیں نیمگاں مارٹر آس داتگ بلے سرمچار گوں جوانیں شوربندیانی بنیاد ءَ کاروائی ءَ پد وتی مھکمیں بندراں سر بوتگ اَنت۔
بی ایل اے ءِ جارکش جیھند ءَ اُرشانی زمہ واری منّ اتگ ءُ گوشتگ کہ داں زورگریں لشکر ءِ چہ بلوچستان ءَ سرجم ءَ در آھگ ءَ مئے اُرش برجاہ بنت۔
