کراچی: بلوچ یکجھتی کمیٹی ( کراچی ) ءِ سروک لالا وھاب ءِ سروکی ءَ شمبے ءِ بیگاہ ءَ بلوچستان ءِ نامداریں اکس کش نمیرانیں کمانچر ءِ یات ءَلیاری ءِ ھشت راہ ءَ روانکے کشگ بوتگ ءُ رند ءَ آئی اکسانی دیم ءَ ڈیوا بالینگ بوتگ۔ روانک ءَ مردماں بازیں کچے ءَ بھر زرتگ ءُ کمانچر ءَ ستک شانی ندر کرتگ۔
لالا وھاب ءَ تران کرتگ ءُ گوشتگ کہ کمانچر تیوک ءَ یک اکس کشے نہ بوتگ، بلکیں آ شئے مرید ءِ وڑ ءَ پہ ھانی ءَ دیوانگ بوتگ۔ اکس باز مردم کش ایت بلے کمانچر ءَ بلوچستان ءِ اشک زندگ داشتگ۔ مکران ءُ کوہ ءِ سلیمان ءِ ھواری ءَ اکسانی رد ءَ دیم ءَ آرگ ءَ کمانچر ءَ بلاھیں کردے پیلو کرتگ۔ ما لیاری ءِ مردماں کج ءَ زانتگ کہ کوہ ءِ سلیمان ءَ بیھیو نامیں جاھے ھست بلے مئے مردم ءُ مئے سرڈگار ءِ گون ءَ مارا کمانچر ءَ آشنا کرتگ۔
آئی ءَ گوشتگ کہ کمانچر ھچ وڑ ءَ شموشگ نہ بیت وھدے کہ اوتل ءُ بیلہ ءَ توپان بوتگ گڑا آ کمانچر اَت کہ بلوچ راج پاد کرت ءُ ماراداں نسیر آباد ءَ برتگ ءُ سرکرتگ۔
لالا وھاب ءَ کمانچر ءَ شئے مرید ءِ نام داتگ ءُ وتن ءِ آشک لیک ءُ گوشتگ کہ باند ا یک شمبے ءِ روچ ءَ ملیر سدیک گوٹ ءَبیگاہ ءَ پدکمانچر ءِ یات ءَ ڈیوا بالین ایں۔
