سندھودیش روولیوشنری آرمی ( ایس آر اے ) ءِ جارکش سوڈو سندی ءَ وتی شنگ کرتگیں درشانے ءَ گوشتگ کہ ایس آر اے دوشیگیں شپ ءَ ھیرپور میرس ءَ پاکستانی رینجر ءِ سر ءَ بوتگیں اُرش ءِ زمہ واری ءَ منّ ایت۔
آئی ءَ گوشتگ کہ پاکستانی لشکر ءُ رینجر کارپوریٹ پارمنگ ءِ شوربندی ءِ نام ءَ سند ءِ 13 لک ڈگار اِش دستیگ کرتگ اَنت، سند ءِ وتن دوستیں کارکنانی زور بیگواہ کنگ، نشانگ کنگ ءُ آیانی شھید کنگ ءَ ھوار اَنت۔
جارکش ءَ گوشتگ کہ پنجاپ زورگر ءَ سند ءِ ڈگار، تیابدپ دریا، تیل، گیس، اشکر ءُ آدگہ درسیں مڈی دستیگ کرتگ اَنت۔ سند ءِ درسیں دریا ءُ تیاب دپ ءَ نوک آبادکاری شوربندیاں ھوار چائنا ءُ سئودی ارب ءَ ھوار آدگہ دری ڈیھانی درسیں سند دژمنیں شوربندی ءُ باپاری ءَ بند بہ کن اَنت۔
آئی ءَ گوشتگ کہ ایس آر اے پاکستانی لشکر ءَ ھوار درسیں درآمدیں مردماں کڈن کنت کہ آ چہ سند ءَ در بہ کپ اَنت ءُ برو اَنت۔
سوڈو سندی ءَ وتی درشان ءِ گڈی ءَ گوشتگ کہ ایس آر اے داں سرجمیں سند ءِ آجوئی ءَ وتی گھگیری جھد ءِ برجاہ دارگ ءِ کول ءَ کنت۔
