بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کیچ ءِ ھند زامران ءَ بامبلو ءِ کوہ ءَ برجاھیں دژمن ءِ پانگس ءِ سر ءَ اُرش کُرتگ ءُ جانی ءُ مالی تاوان داتگ۔
آئی ءَ گوشتگ کہ سرمچاراں 12 اپریل ءِ بیگاہ ءِ چار ءَ گوں نوک ءُ ٹوھیں سلاھاں دژمنیں لشکر ءِ پانگس ءِ پھریزگی سنگر نشانگ کُرتگ، اُرش ءَ سنگر ءَ تاوان بیتگ ءُ دُژمنیں لشکر ءِ یک کارمندے مُرتگ ءُ دو ٹپی بیتگ۔
بی ایل ایپ ءِ جارکش میجر گھرام ءَ اُرش ءِ زمہ واری منّ اتگ ءُ گوشتگ کہ داں سرڈگار ءِ آجوئی ءَ زورگریں لشکر ءِ سر ءَ اُرش برجاہ بنت۔
