شال: بلوچستان ءِ گیشتریں ھند ءُ دمگاں ترندیں ھورانی گوارگ برجاہ اِنت، اے میان ءَ گسانی لمبگ ءَ نو مردم ٹپی ءُ جنکے بیران بوتگ۔
بلوچستان ءِ ھند کوھلو، موسا کیل، ژوب، شیرانی، مستونگ، نوشکے ءُ کلات ءَ ترونگل کپتگ، چمن، کلہ ابداللہ، پشین، زیارت، مستونگ، مسلم باگ، کان مھترزھی ءُ کلات ءَ چہ ترونگل ءِ کپگ ءَ باگ ءُ کشار تاوان بوتگ اَنت۔ چہ ترندیں لوڑاں بازیں جاھاں سولر گوات ءَ برتگ اَنت۔
دومی نیمگ ءَ پسنی ءِ وارڈ نمبر پنچ ءَ ھوارانی سوب ءَ گسے ءِ سر لمب اتگ چار زھگاں ھوار شش مردم چیر اتگ اَنت۔ رند ءَ آ کشگ ءُ نادراھجاہ ءَ برگ بوتگ اَنت۔
کرک ءَ ھورانی سوب ءَ گسے ءِ سر لمب اتگ سیزدہ سالی جنکے چیرتر اتگ بیران بوتگ ءُ سے مردم ٹپی بوتگ۔
