آواران: 15 جنوری ءَ چہ آواران ءِ بازار ءَ پاکستانی لشکر ءِ دست ءَ زور بیگواہ کنگ بوتگیں مستری مھمد الی ءِ کھول ءَ پہ آئی آجوئی ءَ توار چست کنگ ءِ لوٹ کرتگ۔
آئی ءَ گوشتگ کہ مھمد الی ء نوردین نوندڑہ ءِ میتگ کولنج ءِ جاہ منند اِنت، پاکستانی لشکر ءَ 15 جنوری 2024 ءَ چہ آواران ءِ بازار ءَ آوار جتگ ءُ بیگواہ کرتگ، آئی زوریں بیگواھی ءَ سے ماہ اِنت مارا مھمد الی ءِ بارو ءَ ھچ وڑیں سرپدی دیگ ءَ نہ اَنت کہ چون ءُ کج ءَ اِنت۔
کھول ءِ گوشگ اِنت کہ من گوں بلوچ راج ءُ مردمی ھکانی ادارھاں لوٹ کن آں کہ پہ منی برات ءِ آجوئی ءَ توار چست بہ کن اَنت۔
مھمد الی ءِ زوریں بیگواھی ءَ سے ماہ بیت بلے آئی کھول ءَ ھندی مردماں ھندی میر ءُ مھتراں دروگیں دلبڈی داتگ ءُ آئی زوریں بیگواھی ءِ کیس رسانکدر ءَ شنگ کنگ ءَ نہ اِشتگ۔
