نوشکے: پجار نہ بوتگیں سلاہ بندیں مردماں بازیں کچے ءَ شھدگ بستگ، تیرگواری ءِ آسر ءَ ورنایے بیران، چار مردم ٹپی بوتگ ءُ ھشت مردم آوار جنگ بوتگ۔
بنشون ءِ رد ءَ سلاہ بندیں مردماں سلتان کنڈگ ءَ دگ بستگ گاڑی داشتگ اَنت ءُ پٹ ءُ پول کرتگ اَنت۔ ویگو گاڑی یے نہ اوشتاتگ سلاہ بندیں مردماں تیرگواری کرتگ مھمد داؤد نامیں ورنایے بیران ءُ گاڑی ءِ چپی بوگ ءَ چار مردم ٹپی بوتگ۔
سلاہ بندیں مردماں مساپر داشتگ ءُ پچارگ ءَ پد ھشت مردم آوار جتگ ءُ گوں وت برتگ اَنت۔ آوار جنگ بوتگیں مردم پنجاپ ءِ جاہ منند اَنت۔
