بلوچستان آجوئی سنگر ( بی ایل ایپ ) ءِ جارکش گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں زامران ءُ مشکے ءَ زورگریں پاکستانی لشکر ءِ سر ءَ اُرش کُرتگ ءُ سَے کارمند کُشتگ ءُ سَے ٹپی کُرتگ۔
آئی ءَ گوشتگ کہ زی بیگاہ ءَ پنچ ءُ نیم ءِ نزیک ءَ بی ایل ایپ ءِ اسنائپر ٹک تیراں زامران ءِ میتگ کوتان ءَ برجاھیں زورگریں پاکستانی لشکر ءِ پانگس ءَ دُژمن ءِ یک کارمندے اسنائپر توپک ءِ سر ءَ نشانگ کُرتگ ءُ کُشتگ۔
جارکش ءَ گوشتگ کہ دگہ یک اُرشے ءَ دوشی شپ ءِ نوہ ءَ سرمچاراں مشکے ءِ رونجان ءَ گڈانی ءَ دژمنیں لشکر ءِ کاروان گوں چیر کُرتگیں شورھاں نشانگ کُرتگ۔کاروان ءِ یک ویگو گاڑی یے بمب اُرش ءِ زد ءَ آھگ ءِ سْوب ءَ دو کارمند جاھی مُرتگ ءُ سَے ٹپی بیتگ۔
آئی ءَ گوشتگ کہ دژمن ءِ کاروان چہ گجر ءَ رونجان ءِ نیمگ ءَ آھگ ءَ بیتگ کہ سرمچاراں نشانگ کُرتگ۔
بی ایل ایپ ءِ جارکش میجر گھرام ءَ اُرش ءِ زمہ واری منّ اتگ ءُ گوشتگ کہ داں سرڈگار ءِ آجوئی ءَ سرمچارانی اُرش برجاہ بنت۔
