ھزادر: پاکستانی لشکر ءِ دست ءَ زور بیگواھیں سلمان ءِ گھار سادیہ ءَ گوشتگ کہ آئید پہ ھما مردماں بیت کہ آیانی دل وش اِنت، آئید ھمایانی اِنت کہ آیانی برات ءُ پت سلامت اَنت۔
آئی ءَ گوشتگ کہ اے مئے سیمی آئید اِنت ما ابید برات ءَ گوازینگ ءَ ایں۔ برات ءِ جتائی ءِ درد چے اَنت ما ایشی سال ءُ نیمے بیت سرپد بوتگ ایں۔ منی برات سلمان 13 نومبر 2022 ءَ چہ شال ءَ بیگواہ کنگ بوتگ انگت بیگواہ اِنت۔
سادیہ ءَ گوشتگ کہ بلوچ یکجھتی کمیٹی ءِ نیمگ ءَ ھزدار ءَ آئید ءِ روچ ءَ سے ءَ شھید ابدرزاک چاراہ ءَ روانکے کشگ بیت، بلوچ وائس پار جسٹس ءِ نیمگ ءَ شپ ءَ آن لائن تکشامے برجم دارگ بیت۔ من گوں درسیں زانوگریں مردماں لوٹ کن آں کہ آ اے روانک ءُ تکشام ءَ بھر بزور اَنت۔
