مستونگ: زورگریں پاکستانی لشکر ءِ دست ءَ زور بیگواہ کنگ بوتگیں سدام شاھوانی، اشپاک ءُ اپکتار ءِ کھول ءِ نیمگ ءَ زھرشانی ءَ شال کراچی شھدگ بند کنگ بوتگ۔
ھرشانی ءَ مردماں بازیں کچے ءَ بھر زرتگ، دگ ءِ بند بوگ ءِ سوب ءَ دوئیں نیمگاں گاڑیانی مزنیں کتار اوشتوک بوتگ اَنت ءُ مساپر سکا جنجالانی دیمپان بوتگ اَنت۔
آیاں تران کرتگ ءُ گوشتگ کہ مئے آزیز درکانودی آوار جنگ ءُ بیگواہ کنگ بوتگ اَنت کہ آیانی ھچ وڑیں ھال نیست، پمیشکا ما لاچار بوتگ ایں اد ءَ زھرشانی ءَ دگ بند کرتگ۔
آیاں گوں وتگڑیں سرکار ءَ لوٹ کرتگ ءُ گوشتگ کہ مئے زور بیگواھیں زھگ زوتاں چہ زوت آجو کنگ بہ بنت اگاں مئے زھگ یل کنگ نہ بوت اَنت ما وتی زھرشانی ءَ برجاہ دار ایں۔
رند ءَ ھندی واکدار ءِ دلجمی دیگ ءَ پد زھرشانی ھلاس کنگ بوتگ۔
