بلوچ نودربر گل ( بی ایس او ) ءِ جارکش ءَ وتی شنگ کرتگیں درشانے ءَ گوشتگ کہ آئید ءِ روچ ءَ زوریں بیگواھیانی بگیری ءَ شال ءُ کراچی ءَ بیگواھیں بلوچانی توار ( وی بی ایم پی ) ءِ چیردستی ءَ بیوکیں زھرشانیانی پلہ مرزی ءَ کن ایں۔
آئی ءَ گوشتگ کہ دراجکشیں وھدے بیت بلوچستان ءَ ریاستی برجاھیں زوراکیانی بگیری ءَ چست بوتگیں توار ءِ دارگ ءَ زریں بیگواھی ءِ پارست ءَ ترس آماچ کنگ ءِ جھد بوگ ءَ اِنت۔ ھزارانی کچ ءَ سیاسی کارکن، نودربر ءُ لّس بلوچ زنداناں بندیگ ءُ آزارانی دیمپان اَنت۔ دھکانی گوزگ ءَ پد آ آجو بوگ ءَ نہ اَنت ءُ نہ آیانی میار گوشگ بوگ ءَ اِنت، اے مردمی ھکانی ناھکیں بگیری اِنت۔
آئی ءَ دیمتر ءَ گوشتگ کہ گل شال ءُ کراچی ءَ ساڑی ئیں وتی اگدہ دار ءُ کارکناں پرمان دیں کہ آ وی بی ایم پی ءِ چیردستی ءَ بیوکیں زھرشانیاں بھر بزور اَنت۔
