شال: بلوچستان ءَ مردمی ھکانی لگتمالی، زوریں بیگواھی ءُ آدگہ جیڑھانی سر ءَ توار چست کنوکیں سیاسی ءُ مردمی ھکانی کارکن بیبو چہ نوکری ءَ کشگ بوتگ۔
سیاسی کارکن بیبو ایپ بی آر ءَ پیسیلیٹیش سروگانے بوتگ کہ آ بلوچستان ءَ گوں ریونیو اتارٹی ءَ ھمگرنچ اِنت۔
گوشگ بوگ ءَ اِنت کہ بیبو بلوچستان ءَ پاکستانی ادارھانی نیمگ ءَ مردمی ھکانی لگتمال کنگ، زوریں بیگواھی ءِ بگیری ءَ توار چست کنگ ءِ ھواری ءَ بالاچ ءِ درکانودی کوش ءِ بگیری ءَ زھرشانیاں بھر زورگ ءُ اسلام آباد روانک ءَ ھوار بوگ ءِ پژدر ءَ چہ نوکری ءَ کشگ بوتگ۔
چاگردی رسانکدر ءَ مردمانی نیمگ ءَ مردمی ھکانی کارکن بیبو ءِ چہ نوکری ءَ کشگ گوں ترندیں دانکاں ایر جنگ بوگ ءَ اِنت۔
