بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں مرچی ھرنائی ءَ لٹ ءُ پلی شوربندی تیل ءُ گیس کشوکیں شرکت ءِ کارمندانی گاڑی گوں چیرکرتگیں شورھاں نشانگ کرتگ، تراک ءِ آسر ءَ سے کارمندمرتگ ءُ 12 ٹپی بوتگ۔
آئی ءَ گوشتگ کہ بی ایل اے ءِ سرمچاراں ماڑی پٹرولیم کمپنی لمیٹڈ ( ایم پی سی ایل )ءِ ٹرک ھما وھد ءَگوں تراکناکیں شورھاں نشانگ کرتگ کہ آ شرکت ءُ زورگریں پاکستانی لشکر ءِکارمنداں برگ ءَ بوتگ ۔ تراک ءِ آسر ءَ شرکت ءِ یک کارمندے ءُ لشکرءِ دو کارمند جاھی مرتگ ءُ دوازدہ کارمند ٹپی بوتگ، تراک ءَ گاڑی سرجم ءَ تباہ وتگ۔
جارکش ءَ گوشتگ کہ ھمے شرکت ھرنائی ءِکر ءُ کشاں جتائیں جاھاں لٹ ءُ پلی شوربندی ءِ رد ءَ بلوچستان ءِ مڈیاں لٹ ءُ پل کنگ ءَ اِنت۔ اے شرکت زورگریں لشکر ءِ شریداری ءَ برجاہ اِنت کہ آئی ھرنائی، مچ، بولان ءُ آدگہ جاھاں وتی لٹ ءُ پلی شوربندی برجاہ داشتگ۔
آئی ءَ گوشتگ کہ بی ایل اے بلوچ سرڈگار ءِ سر ءَ ھچ وڑیں لٹ ءُ پلی شرکتاں راجی مڈیانی لٹ ءُ پل کنگ ءِ موکل ءَ نہ دنت۔ اے وڑیں کارانی تہ ءَ ھواریں درسیں شرکت مئے نشانگ ءَ اَنت۔
بی ایل اے ءِ جارکش جیھند ءَ ارش ءِ زمہ واری من اتگ ءُ گوشتگ کہ زورگریں لشکر ءُ آئی شریدارانی سر ءَ مئے ارش گو ں ترندی ءَ برجاہ بنت۔
